Një ngjarje e rëndë është parandaluar në një kafe të Shangait, por siç thotë edhe shprehja, jetëgjati nuk bëhet jetëshkurtër.

Dy miq që po pinin kafe në një lokal të Starbucks kanë shpëtuar për pak centimetra nga vdekja, kur një dritare ra nga 9 metra lartësi dhe përfundoi mbi tavolinën ku ata po qëndronin.

Qian dhe miku i tij po qëndronin të ulur në tarracën e lokalit, kur ndodhi aksidenti.

Për fat të mirë asnjëri prej tyre nuk është lënduar.

Kamerat e sigurisë kanë filmuar momentin kur Qian dhe miku i tij po qëndronin të ulur dhe dukej se po shijonin kafenë, kur një dritare u shkëput nga korniza e saj dhe ra me shpejtësi të madhe mbi tavolinën e tyre.