Ja historia e plotë që çoi tek vrasja e sotme
Hetuesit e vrasjes së sotme në Tiranë mendojnë se vrasja e sotme në mes të lokalit "De Niro" në kryeqytet ka lidhje me disa ngjarje të mëparshme.

Në mes të muajit dhejtor 2015 në makinën e Elton Imerit u vendos eksploziv dhe ky i fundit mbeti i plagosur rëndë si shkak i shpërthimit.

Eltoni kishte pozicion drejtues në Policinë Ushtarake në Durrës por se grupi hetimor për vendosjen e eksplozivit tha se vendosja e eksplozivit nuk kishte lidhje me detyrën e Imerit.

Policia tha se vendosja e tritolit tek makina e Eltonit ishte për shkak të hakmarrjes pasi njëjtë i kishin vendosur tritol edhe Ervis Imerit, vëllai i Eltonit, raporton "Panorama".

Dyshohet se autorët pasi dështuan me Ervis Imerin pasi ky e zbuloi lëndën, ia kanë vendosur eksplozivin vëllait të tij, Eltonit.

Arsyeja se përse iu ngjitën pas dy vëllezërve

Vëllai i ushtarakut Elton Imeri, Ervis Imeri është i dyshuar se më 31 mars 2015 ka grabitur në lagjen "Demokracia" në Tepelenë një çift të moshuarish, banesën e Naim Çaçit.

Gjatë grabistjes ka patur edhe dhunë ndaj të moshuarve, aq sa çifti i shkuar në moshë kaloi disa muaj në spital.

Por se Ervis Imeri pasi u arrestua ka mohuar kategorikisht të ketë lidhje me grabitjen.

Vrasja sonte

Viktima e sotme është pikërisht djali i çiftit të moshuar të grabitur në Tepelenë.

Dyshohet se vrasja e tij ka lidhje me hakmarrje për të dyja ngjarjet e ndodhura. /Albeu.com/

Shtuar më 01/05/2016, ora 23:56

Shkruani komentin tuaj!
Të fundit nga kjo kategori