Ja çfarë po ndodh me 40 të arrestuarit për terrorizëm
Pëlqej
Dyzetë personat që u arrestuan nga Policia e Kosovës nën dyshimin se kanë marrë pjesë në luftën e Sirisë dhe atë të Irakut, duke qenë pjesë përbërëse e ISIS dhe e Al-Nusras, janë lënë në paraburgim 48 orësh.

Ende nuk është marrë vendim nga gjykatësi i Procedurës Paraprake dhe ky vendim mund të merret sot ose nesër.

Që të gjithë të arrestuarit kanë dhënë deklaratat e tyre përballë trupës gjyqësore.

Besnik Berisha, avokati i njërit nga të arrestuarit, Hadi Nura, ka deklaruar se vetëm katër nga 40 të akuzuarit kanë pranuar para trupit gjykues që kanë qenë në Siri por që nuk kanë pasur lidhje me organizatat terroriste atje.

Ndërsa, sipas Admir Salihut, avokat mbrojtës i Ilir Momqillës, pothuajse të gjithë të dyshuarit akuzohen për të njëjtat vepra penale.

Të 40 personat akuzohen për "organizim dhe pjesëmarrje në grupe terroriste" për "nxitje dhe përçarje e mosdurim kombëtar, racor apo etnik" si dhe "rekrutim për terrorizëm". /albeu.com/
Shtuar më 13/08/2014, ora 12:10
Shkruani komentin tuaj!
Të fundit nga kjo kategori