Ishin me pushime në Majorka, babai i dy fëmijëve zbulon se është prekur nga koronavirusi
Një britanik, baba i dy fëmijëve, i cili kishte shkuar me pushime në Majorka, ka rezultuar pozitiv ndaj analizave të koronavirusit. Ai është vendosur në karantinë në spitalin e ishullit, ndërsa lajmi është konfirmuar nga autoritetet vendase.

Testimeve iu janë nënshtruar edhe gruaja 46-vjeçare si dhe dy vajzat e tij të moshës 7 dhe 10 vjeç. Për fat të mirë, ato kanë rezultuar negative ndaj këtij virusi. Të trija nuk kanë asnjë simptomë të virusit.

Autoritetet shëndetësore janë shprehur në një deklaratë:

Rezultatet e testeve kanë konfirmuar se burri është prekur. Ai është vendosur në një karantinë në spitalin Son Espases ditën e premte. Bashkëshortja dhe dy vajzat kanë rezultuar negative dhe nuk kanë pasur as simptoma të sëmundjes. Ka nisur një studim i personave që kanë qenë në kontakt me burrin gjatë kohëve të fundit”.

Autoritetet lokale kanë konfirmuar se britaniku, i cili jeton në Marratxi, pranë Palmas, ka kërkuar ndihmë dhe ka telefonuar spitalin, pasi dyshonte se kishte qenë në kontakt me një person që ishte identifikuar si i prekur nga koronavirusi në Francë. Pas udhëtimit në Francë, burri kishte përfunduar në Majorka më 29 janar.



Shtuar më 09/02/2020, ora 11:52

Shkruani komentin tuaj!
Të fundit nga kjo kategori