E FUNDIT/ Shënohet viktima e 13-të, rritet ndjeshëm numri i të prekurve në vend
Ishin kthyer për festa, si u vranë daj e nip sapo dolën nga lokali në Elbasan
Elbasani është tronditur mbrëmjen e djeshme nga një atentat me armë zjarri.

Nga breshëria e automatikut kanë mbetur viktima tre persona në hyrje të një lokali të njohur në rrugën Elbasan-Ish Kombinati Metalurgjik pranë rrethrrotullimit të Bradasheshit.

Ngjarja e rëndë ndodhi rreth orës 21:15 dhe dyshimet e policisë janë se atentati është kryer nga disa vrasës me plan të mirëorganizuar por që mbeten ende të paidentifikuar.

Sipas burimeve nga policia atentatorët u kanë zën pritë viktimave dhe në momentin kur kanë hipur në fuoristradën e tyre për tu larguar nga lokali ku kishin darkuar me disa të afërm, është hapur zjarr ndaj tyre.

Për pasojë ka humbur jetën në vend Endrit Alibej, 34-vjeç dhe Arben Dylgjeri, 56 vjeç, që të dy banorë të qytetit të Elbasanit si dhe shtetasi Erdal Duranay, 51 vjeç nga Turqia.

Po sipas burimeve nga polica bëhet e ditur se dy viktimat, Endrit Alibej dhe Arben Dylgjeri janë të afërm me njëri-tjetrin, dajë dhe nip.

Gjithashtu edhe turku Erdal Duranay dyshohet se kishte lidhje gjaku me bashkëshorten e një prej dy viktimave nga Elbasani.

Objektivi kryesor i atentatit të mbrëmshëm nga hetimi i kryer rezulton se ka qenë pikërisht 34-vjeçari Endrit Alibej me të shkuar kriminale jashtë Shqipërisë.

Kjo bën që polica si pistë kryesore të hetimeve të ketë prishjen e pazareve të drogës pasi 34-vjeçari elbasanas Alibej ka qenë në vitin 2013 i arrestuar për trafik droge në Itali.

Sipas informacioneve të fundit të dy viktima jetonin jashtë vendit dhe ishin kthyer vetëm para pak ditësh për të kaluar festat e fundvitit në Shqipëri.

Për sa u përket autorëve të masakrës dyshohet se kanë qënë disa persona të cilët janë larguar me shpejtësi me ndihmën e një makine. Për të rënë në gjurmët e tyre Policia e Shtetit ka shtënë në dorë të gjtiha kamerat e sigurisë në zonë si dhe ka shoqëruar dhjetra persona.

Menjëherë pas ngjarjes Policia ka ngritur postblloqe në të gjitha rrugëkalimet, ndërkohë që RENEA dhe Forcat e Ndërhyrjes së Shpejtë rrethuan zonën në një perimetër të gjerë si dhe kryen kontrolle për të bërë të mundur zbardhjen e ngjarjes.

Gjithashtu një grup hetuesish nga Drejtoria e Krimeve të Rënda të Policisë së Shtetit po punojnë për identifikimin dhe arrestimin e autorëve të masakrës. /albeu.com/
Shtuar më 30/12/2018, ora 09:04

Shkruani komentin tuaj!
Të fundit nga kjo kategori