I moshuari kërcënon me çifte dhe benzinë të gjithë familjen, policia parandalon tragjedinë
Një i moshuar ka tmerruar për disa orë pjesëtarët e familjes së tij, por falë ndërhyrjes në kohë të Policisë është parandaluar një tragjedi brenda familjes. Policia arrestoi në flagrancë 79-vjeçarin me inicialet I.S, banues në fshatin Kalimash të Kukësit, i cili pas dhunës psikologjike të ushtruar ndaj familjarëve të tij dhe nipit ka kanosur me armë gjahu, si dhe të djegë shtëpinë me benzinë.

Arrestimi i tij u bë pasi, në banesë, për motive të dobëta, ka shkatërruar orenditë e banesës, ka ushtruar dhunë psikologjike ndaj familjarëve dhe nipit dhe më pas i ka kanosur me armë gjahu (çifte), si dhe ka tentuar të djegë shtëpinë me benzinë, por falë njoftimit në kohë të policisë dhe mbërritjes menjëherë në vendngjarje të inspektorit të Policisë së Zonës, i cili në bashkëpunim me familjarët i kanë marrë çiften dhe shishen e benzinës shtetasit I.S. duke e vënë në pranga.

Në cilësinë e provës materiale u sekuestrua arma e gjahut (çifte), disa fishekë, një shishe benzinë dhe një çakmak.

Materialet për veprime të mëtejshme i kaluan Prokurorisë së Rrethit Gjyqësor Kukës, për veprat penale “Dhuna në familje”, “Kanosja” dhe “Shkatërrimi i pronës e mbetur në tentativë”.
Shtuar më 17/07/2019, ora 12:50
Shkruani komentin tuaj!
Të fundit nga kjo kategori