Humbi jetën në muajin e 7-të të shtatzënisë, kush është e reja që vdiq në aksident
Pëlqej
Është zbuluar identiteti i të resë e cila humnbi jetën ditën e sotme në një aksident në aksin Levan-Fier.

Viktima është shtetasja Majlinda Troka, shtatzënë në muajin e 7-të.

Aksidenti ka ndodhur në vendin e quajtur "Liqeni" ku janë përplasur dy makina.

Po ashtu, nga përplasja e dy automjeteve u plagosën edhe 4 persona të tjerë, mes tyre edhe një fëmijë.

Njoftimi i policisë

Në datën 21.08.2018, ora 11.30 në aksin rrugor Fier – Levan, në vendin e quajtur “Liqeni” janë përplasur mjetet tip “Audi” me drejtues shtetasin A.T me mjetin tip “Benz” me drejtues shtetasin L.T.

Si pasojë e përplasjes ka ndërruar jetë shtetasja M.T 27 vjeçe e cila ndodhej pasagjere në mjetin tip “Audi” si edhe është plagosur një fëmijë i mitur pasagjer po në mjetin tip “Audi”.

Grupi hetimor po punon për zbardhjen e plotë të kësaj ngjarje”, sqaron paraprakisht policia.

Dyshohet se shkak i aksidentit u bë një parakalim i gabuar i mjetit tip "Audi", në të cilin udhëtonte edhe viktima. /albeu.com/


Shtuar më 21/08/2018, ora 12:07
Shkruani komentin tuaj!
Të fundit nga kjo kategori