Hidhet poshtë versioni i telenovelës së Erentilës, drejtori i harxhoi paratë me diçka tjetër
Ngjarja e rëndë e cila prej disa ditësh po bën namin kudo në media, tashmë ka marrë një rrjedhë krejt tjetër.

Policia ka hedhur dyshimet se drejtori i postes, Barush Ahmeti pas denoncimit per parate qe i zhvati e dashura virtuale, po fsheh dicka tjeter.

Sipas policise ai ka nxjerrë si justifikim lidhjen me vajzën për të mbuluar shpenzimin e 60 milionë lekëve. të cilat ishin siguruar kryesisht nga vëllezërit e tij që jetonin në emigrim prej disa vitesh.

Ekspertët nuk janë të bindur se 30-vjeçari mund të ketë shpenzuar 60 milionë lekë, duke i blerë dhurata të dashurës së tij.

“Nuk mendojmë se ai ka shpenzuar gjithë këtë shumë për dhurata dhe pagesa faturash për vajzën. Ne po bëjmë një mbledhje të shumës së përgjithshme, por vlera e pretenduar nga denoncuesi është jashtë logjike. Kemi dyshime se ai e ka nxjerrë si justifikim ketë, për të mbuluar diçka tjetër.

Ndoshta kërkon të justifikojë lekët te vëllezërit dhe familja e tij, ndaj jemi shumë me dyshime në lidhje me këtë ngjarje. Mbase paratë i ka shpenzuar diku tjetër, me baste a gjëra të tilla, dhe kërkon t’i justifikojë me dhuratat që i ka blerë të dashurës.

Kjo ngjarje do të hetohet me imtësi, pasi pretendimet e palëve janë kontradiktore në lidhje me shumën e supozuar 60 milionë lekë”, thanë ekspertët e Policisë. Sipas burimeve, në sendet e bllokuara nuk ka asgjë të kushtueshme.

Edhe rrobat, çantat, këpucët e bizhuteritë e blera së fundmi nga 27- vjeçarja rezultojnë më së shumti mall tregu dhe jo i blerë në dyqane të markave të shtrenjta. /albeu.com/
Shtuar më 01/10/2017, ora 18:35

Shkruani komentin tuaj!
Të fundit nga kjo kategori