Prokurori Uilliamson, lidhur me fjalët që tha në Bruksel, thotë se ka prova të mjaftueshme për të gjykuar ish-funksionarë të lartë të Ushtrisë Çlirimtare të Kosovës.

Ai ka shtuar se nëse Gjykata do të ishte në funksion sot e kësaj dite, vetë Uilliamson do të ishte në gjendje të ndërtonte akuzat.

“Është paksa e vështirë të spekulohet rreth kësaj por mendoj se, sikur të kishte një gjykatë të krijuar ne do të ishim që në këtë moment në gjendje të ngremë aktakuzat", ka thënë Uilliamson për Koha Ditore.

Edhe pse Uilliamson në intervistë nuk ka përmendur emra, ai ka theksuar se Task-Forca i di mjaft mirë personat.

Clint Uilliamson ka nënvizuar se beson se mund të ketë patur edhe trafikim organjesh në kohën e luftës, por se akoma s'ka prova të mjaftueshme për ta vërtetuar një gjë të tillë dhe se hetimet për këtë rast vazhdojnë. /albeu.com/