Hekurudha Kërçovë-Pogradec fillon në 2015-ën
Pëlqej
Abonohu për lajmet me e-mail:
E-maili juaj:      Tani, kontrolloni e-mailin tuaj dhe konfirmoni abonimin!
Projekti hekurudhor që do të lidhë Maqedoninë me Shqipërinë, i cili me vite ishte harruar, së shpejti pritet të fillojë të ndërtohet. Ministria e Financave ka shpallur tenderin për përgatitjen e projektit të detajuar dhe dokumentacionit tednerik, si dhe përgatitjen e dokumentacionit për mbikëqyrës të punimeve gjatë ndërtimit.

Linja hekurudhore nis nga Kërçova dhe duhet të përfundojë deri në fshatin kufitar Lin të Pogradecit. "Linja hekurudhore do të jetë e gjatë 63 kilometra dhe përfshinë një itinerar nga Kërçova drejt Strugës, deri në fshatin Lin të Pogradecit, në Shqipëri. Ndërtimi do të fillojë nga Kërçova dhe linja hekurudhore deri në kufirin me Shqipërinë dhe hekurudha duhet të jetë elektrike. Mjetet për shpalljen e tenderit janë të siguruara nga fondet paraqasëse të BE-së, kurse vlera maksimale e projektit është 8 milionë euro", thotë Tahir Hani, zëvendës ministër i Transportit dhe Lidhjeve.

Procedura për pjesëmarrje në tender është e kufizuar për personat juridik nga vendet e anëtare të BE-së, vendet kandidate për anëtarësim, ndërsa tenderi i plotë do t’i ndahen një kompanie dhe një konzorciumi.

"Data preliminare për të marrë pjesë në tender me propozim të detajuar është 12 marsi i vitit të ardhshëm, ndërsa data preliminare për të nënshkruar marrëveshjen është 10 korriku i vitit 2013. Afati i realizmit të aktiviteteve është 24 muaj", thotë zëvendësministri Hani.

Ai njofton se kriter kryesor për të marr pjesë në tender kompanitë e interesuara duhet të kenë të hyra së paku 4 milionë eurove të hyra vjetore në tre vitet e fundit.

"Pranimi i aplikacioneve të para është 25 janari i vitit 2013. Pasi të zgjidhet ofertuesi më i volitshëm, atëherë pritet që faza e përpunimit të projektit themelor të zgjasë deri tre vite, që përfshinë periudhën prej shpalljes publike për mbledhje të ofertave nga kompanitë e interesuara, e deri në përpunimin dhe dorëzimin e dokumentacionit", thotë zëvendësministri Hani.

Ndërtimi i Linjës hekurudhore që do të lidhë Maqedoninë me Shqipërinë, si pjesë e Korridorit të 8, pritet të fillojë në vitin 2015, thotë zëvendëskryeministri i Transportit dhe Lidhjeve, Tahir Hani.

"I gjithë projekti do të kushtojë rreth 300 milionë euro. Akset e vështira me kombinim të atyre kodrinore dhe fushore, si dhe nevoja e ndërtimit të disa urave dhe tuneleve, jo vetëm që mund të zgjasin afatin kohor të ndërtimit, por mund të rrisin edhe koston e ndërtimit", thotë ai. Njëkohësisht, Hani thotë se paralelisht me ndërtimin e linjës hekurudhore që do të lidh Maqedoninë me Shqipërinë, do të punohet në ndërtimin e pjesës së mbetur të hekurudhës Kumanovë-Kriva Pallankë-Deve Bair, që gjithashtu është pjesë e Korridorit 8, e që lidh Maqedoninë me Bullgarinë.

"Sipas vlerësimeve të para, për ndërtimin e pjesës së Korridorit 8, gjegjësisht hekurudhës Kumanovë-Kriva Pallankë-Deve Bair, në gjatësi prej 89 kilometrave, janë të nevojshme 480 milionë euro, derisa për meremetimin e linjës ekzistuese Kërçovë-Shkup-Kumanovë, do të duhet të shpenzohen rreth 65 milionë euro", thotë zëvendësministri i Transportit dhe Lidhjeve, Tahir Hani. (Koha) /albeu.com/
Shtuar më 23/12/2012, ora 17:16
Shkruani komentin tuaj!
Të fundit nga kjo kategori
 
Tifozët Kuqezi në ndeshjen Shqipëri-Spanjë. Foto: Nderim Kaçeli/Albeu.com

Tifozët Kuqezi në ndeshjen Shqipëri-Spanjë. Foto: Nderim Kaçeli/Albeu.com