Xhaçka u përlot teksa numëronte viktimat, Iris Luarasi: U ka kaluar koha patetizmave
Pedagogia dhe aktivistja Iris Luarasi mesditën e djeshme ka qenë e ftuar në studion e emisionit “Rudina”, ku foli për situatën e vështirë pas tërmetit të 26 nëntorit.

Teksa fliste për gjendjen e vështirë të të prekurve, Luarasi u tregua dhe kritike ndaj një ministreje që u përlot.

Luarasi nuk dha emër, por me siguri iu referua deklaratës së ministres së Mbrojtjes, Olta Xhaçka, kur dha emrat e viktimave.

Sipas Iris Luarasit, shqiptarët nuk kanë nevojë për një ministre që qan dhe këtyre patetizmave u ka ikur koha:

“Një pjesë e tyre kanë lënë çdo gjë aty, kanë lenë kursimet e jetës. Kjo është një nga arsyet që unë them, që njerëzit tani më tepër kanë nevojë për dashuri, të ndihen të përkrahur dhe unë nuk mendoj se ju bën mirë që të dali një ministre dhe të qajë. Nuk iu bën mirë njerëzve kjo, përkundrazi unë mendoj që njerëzve ju bën mirë një fjalë e ngrohtë dhe një njeri që është i fortë që të tregon se shteti ekziston, edhe këtu ne jemi të fortë për të të mbështetur. Kështu që do isha shumë larg këtyre patetizmave që iu ka kaluar koha, edhe do doja që të shikoja vërtet njerëz që mbështesin me të gjitha forcat njerëzit në terren. Nuk ka nevojë të qash, as në një studio televizive dhe as në një konferencë për shtyp, se kjo nuk i ndihmon njerëzit edhe nuk u’a bën më të lehtë dhimbjen. Kanë nevojë për siguri” .

Shtuar më 04/12/2019, ora 09:23

Shkruani komentin tuaj!
Të fundit nga kjo kategori