Haradinaj bën ushtrime për president: Reagon në formë "presidenciale" pas kalimit të Rimëkëmbjes
Kryetari i Aleancës për Ardhmërinë e Kosovës (AAK) që po pretendon të bëhet president, Ramush Haradinaj, ka bërë një reagim mjaft "presidencial" pas votimit të Projektligjit të Rimëkëmbjes Ekonomike.

Haradinaj me anë të një postimi në Facebook ka përshëndetur miratimin e këtij ligji.

Ai tha se më në fund deputetët arritën të kalonin linjat partiake. Pikërisht prania e tij në AAK si kryetar ka bërë që shumë kritikë ta kontestojnë Haradinajn për president të vendit, përcjell Periskopi.

“Përshëndes miratimin e Ligjit për Rimëkëmbje Ekonomike dhe përgëzoj deputetët që më në fund tejkaluan vijat partiake dhe përfunduan këtë proces, zvarritja e së cilit ishte në dëm të qytetarëve. Bëj thirrje tek ekzekutivi që sa më parë ta fillojnë implementimin, pasi që dihet qartë gjendja e rëndë e shumë familjeve në vend por edhe e bizneseve dhe ekonomisë në përgjithësi”, tha Haradinaj.
Shtuar më 04/12/2020, ora 18:38

Shkruani komentin tuaj!
Të fundit nga kjo kategori