Militant të armatosur të grupit "Boko Haram" kanë sulmuar mbrëmjen e djeshme konviktin e një shkolle duke vrarë 29 nxënës, njoftuan sot autoritetet vendore.

Sulmi ka ndodhur në shkollën e mesme Buni Yadi që gjendet në shtetin Yobe, në afërsi të qytetit Damaturu.

Shumica e fëmijëve, sipas forcave të rendit, kanë vdekur nga flakët që përfshinë konviktin ku jetonin.

“Disa nga trupat e studentëve janë bërë shkrumb e hi”, është shprehur sot komisari i policisë Sanusi Rufa, duke shtuar se të gjitha viktimat ishin djem, njofton REL.

Grupi me emrin "Boko Haram", që do të thotë “arsimi perëndimor është mëkat”, ka sulmuar edhe më parë institucionet arsimore.

Një sulm i përmasave të tilla është kryer edhe në qershor të vitit të kaluar në fshatin Mamudo, ku u vranë 22 nxënës. /albeu.com/