Aktivistja e klimës, 17 vjeçarja Greta Thunberg siç duket nuk e ka harruar një thumbim që i kishte bërë presidenti amerikan, Donald Trump, rreth 11 muaj më parë.

Madje në “hakmarrjen” ndaj Trump të enjten, Thunberg ka përdorur pikërisht frazën e presidentit amerikan.

Kujtojmë se në vitin 2019, presidenti i SHBA ishte tallur me Greta Thunberg kur ajo u emërua personi i Revistës Time.

Trump kishte kritikuar vendimin e Revistës Time për të emëruar aktivisten adoleshente të klimës si personin e vitit dhe kishte shkruar: “Kaq qesharake. Greta duhet të punojë për problemin e saj të Menaxhimit të Zemërimit, pastaj të shkojë në një film të modës së vjetër me një mik! Qetësohu Greta, qetësohu!”.