Ministri i Jashtëm i Greqisë, Evangelos Venizelos ka shprehur serish mbështetjen për marrjen e statusit të vendit kandidat për në Bashkimin Europian për Shqipërinë.

“Shpresojmë të gjejmë konsensusin për Shqipërinë, pasi ky është edhe qëllimi i Presidencës greke.” është shprehur Venizelos përpara fillimit të mbledhjes së ministrave të Jashtëm të Bashkimit Europian.

Ndërkohë ministri i Jashtëm i Luksemburgut Jean Asselborn shprehet se ështe i mundur statusi i vendit kandidat për Shqipërinë.

Çështja e statusit të Shqipërisë do të diskutohet si pikë e dytë e rëndit të ditës nga Këshilli i Ministrave të BE. Votimi duhet të jetë unanim për një ‘po’ pasi vetëm një votë kundër, do ta penalizonte Shqipërinë. /albeu.com/