Një sasi prej 1 ton hashash e ndodhur në një gomone e nisura nga Shqipëria është kapur nga policia greke gjatë ditës së djeshme. Mësohet se drejtuesi i gomones në tentativë për ti shpëtuar policisë i është drejtuar brendësisë së kufirit grek dhe nëpërmjet Korfuzit, Gumenicës, Mesologjit iu drejtua një plazhi në afërsi të Patrës, 200 km në veri-perëndim të Athinës.

Pas gjurmimit të policisë është bërë i mundur bllokimi i gomones 11 metra e gjatë me dy motorë 350 kuaj fuqi secili, ndërsa brenda saj është gjetur edhe një automatik tip Kallashnikov me 70 fishekë. Ndërkohë që drejtuesi i gomones është hedhur në det. Nga ky operacion janë arrestuar katër persona tre shqiptarë dhe një grek. /albeu.com/