Godina 6 katëshe e Tatimeve të Tiranës, jashtë funksionit prej tërmetit
Mes objekteve që kanë pësuar dëmtime pas tërmetit të 26 nëntorit, është dhe godina ku operon Drejtoria Rajonale Tatimore Tiranë.

Vetë Drejtoria e Pergjithshme e Tatimeve ka njoftuar se punonjesit zhvendosen përballë shkollës Sabahudin Gabrani ne Tiranë.

Nderkohe qe të gjithë tatimpaguesit që administrohen nga DRT Tiranë, janë të lutur që për çdo komunikim të dorëzojnë kërkesat e tyre në kutinë postare që ndodhet në ambjentet e kësaj drejtorie, vend ku do të menaxhohen dhe do të ofrohen edhe shërbimet e të gjitha drejtorive të DRT Tiranë.

Në vijim të Aktit të Konstatimit të Institutit të Ndërtimit në Ministrinë e Infrastrukturës dhe Energjisë, me Nr.55925 prot, datë 05.12.201 9, i cili mbas vlerësimit të të gjithë godinës 6-katëshe ku operon Drejtoria Rajonale Tatimore Tiranë, ka çertifikuar se objekti është i pabanueshëm, Drejtoria e Përgjithshme e Tatimeve bën me dije se:

Drejtoria Rajonale Tatimore Tiranë do të vijojë punën e saj në përmbushjen e të gjitha detyrave funksionale, në ambjentet e Drejtorisë së Shërbimit të Tatimpaguesve, me adresë Rruga “Nikolla Lena” (përballë shkollës Sabahudin Gabrani), Tiranë.
Të gjithë tatimpaguesit që administrohen nga DRT Tiranë, janë të lutur që për çdo komunikim të dorëzojnë kërkesat e tyre në kutinë postare që ndodhet në ambjentet e kësaj drejtorie, vend ku do të menaxhohen dhe do të ofrohen edhe shërbimet e të gjitha drejtorive të DRT Tiranë.

Menjëherë pas konstatimit paraprak të dëmit nga tërmeti i datës 26 nëntor, të gjitha shërbimet për tatimpaguesit janë ofruar pa ndërprerje në sportelet e shërbimit, në ambjentet e Drejtorisë së ShërbimitTatimpaguesit, Tiranë dhe do të vijojnë aty deri në një njoftim të dytë.

Administrata Tatimore falenderon tatimpaguesit për mirëkuptimin në këtë situatë të krijuar, duke ju siguruar se po bën çdo përpjekje të mundshme, për të adresuar një zgjidhje të qëndrueshme, në ofrimin e shërbimit në kushte optimale.
Shtuar më 06/12/2019, ora 14:36

Shkruani komentin tuaj!
Të fundit nga kjo kategori