Vjosa Osmani takohet me Ramën: Patëm një bisedë përmbajtësore

Presidentja e Kosovës, Vjosa Osmani është takuar me kryeministrin Edi Rama pas takimit me homologun Bajram Begaj.

Takimi është zhvilluar me dyer të mbyllura, ndërsa përmes një postimi në rrjetin social “Facebook”, Osmani tha se në fokus në bisedës ishte aspirata për integrimin në Bashkimin Europian të Kosovës dhe Shqipërisë.

“Me Kryeministrin Edi Rama pata një bisedë përmbajtësore rreth aspiratës së përbashkët evropiane të Kosovës dhe Shqipërisë. Duke punuar së bashku, Kosova dhe Shqipëria mund të hapin rrugën për një të ardhme më të ndritshme dhe më të integruar“, shkruan presidentja e Kosovës.


Shtuar 4.09.2023 15:07