KLP ka zgjedhur ditën e sotme tre prokurorët e rinj që do jenë pjesë e SPAK.

Kandidatët paraqitën para Këshillit një prezantim për formimin, eksperiencën profesionale dhe veprimtarinë e tyre ndër vite si dhe platformën e depozituar për vlerësim në Këshill.

Anëtarët e Këshillit të Lartë të Prokurorisë dhe përfaqësuesit e komunitetit ndërkombëtar i kanë adresuar pyetje secilit kandidat, duke nxjerrë në pah aftësitë e tyre njerëzore, profesionale dhe administrative të kërkuara nga ky pozicion.

Në përfundim të marrjes në pyetje dhe të analizave KLP ka vendosur që më shumë të marrë Kllapi, e pas tij të renditen Prençi e Mara që do jënë pjesë e SPAK dhe në fund Bejko, e cila është përjashtuar.

RENDITJA: Sotir Kllapi 174 pikë, Dritan Prençi 171 pikë, Vladimir Mara 168 pikë dhe Dorina Bejko 158 pikë.