Të tjera detaje zbardhen nga operacioni i koduar “Stacioni”, ku u sekuestruan rreth 1.2 kg lëndë narkotike e dyshuar kokainë, e si pasojë u arrestua një grua teksa u shpall në kërkim ish-bashkëshorti i saj.

Mësohet se servisi ku u krye operacioni blic, është në pronësi të shtetasit Dode Markvukaj, ky i fundit i shpallur në kërkim.

Policia kishte marrë informata se ky servis përdorej për tregtim narkotikesh dhe ndaj efektivët shkuan për kontroll.

Por gjatë operacionit, brenda servisit ndodhej vetëm shtetasja Vera Preka, e cila kishte të përshtatur një dhomë si banesë pasi figuronte e ndare nga Dode Markvukaj.

Sasia e drogës është gjetur nga policia në lavatriçe.

Vera Preka dyshohet se kishte marre sinjalizime per kontrollin e policisë dhe kishte futur kanabisin brenda saj.

Ish bashkëshorti i saj, ishte dënuar më herët me arrest shtëpie për të njëjtën vepër penale por nuk është gjetur në banesë.

Dyshimet e para jane se cifti i divorcuar përdorte servisin për shpërndarje narkotikësh në sasi të vogla, ndaj dhe vijojnë hetimet.