Ish-punonjësi i Kadastrës Agim Gjyla është vënë në pranga për falsifikimin e dokumentave, me qëllim ndryshimin e kufijve të pronave.
64-vjeçari, banues në fshatin Dushk të Lushnjës, është arrestuar nga policia Kufitare e Rinasit.
Sipas policisë gjatë vitit 2018, kur ishte punonjës i zyrës së Kadastrës në ish-komunën Dushk, ka falsifikuar disa dokumente, me qëllim për të ndryshuar kufijtë e pronave.
Njoftimi i policisë
Specialistët për Hetimin e Krimeve të Komisariatit të Policisë Lushnjë, në bashkëpunim me shërbimet e Policisë Kufitare Rinas, kapën dhe ndaluan shtetasin Agim Gjyla, 64 vjeç, banues në fshatin Dushk, Lushnjë.
Ky shtetas ishte shpallur në kërkim, pasi Gjykata e Shkallës së Parë Lushnjë e ka dënuar me 1 vit burgim, për veprën penale “Falsifikimi i dokumenteve”.
Shtetasi Agim Gjyla, në vitin 2018, gjatë kohës që ka qenë punonjës i zyrës së Kadastrës në ish-komunën Dushk, ka falsifikuar disa dokumente, me qëllim për të ndryshuar kufijtë e pronave./albeu.com/
