Eurodeputetët në PE: Ja kërkesat që duhet të plotësojë Shqipëria për t'u integruar në BE
Raportuesit për Shqipërinë në Parlamentin Europian, Knut Fleckenstein dhe Eduard Kukan gjatë prezantiimit të amendamenteve përpara eurodeputetëve theksuan se klima politike e tensionuar në vend mund të jetë pengesa kryesore për anëtarësimin e vendit tonë në BE.

Fleckenstein tha në fjalën e tij se për Shqipërinë kanë qenë fillimisht 192 amendamente, të cilat u reduktuan në 16, për të cilat ka patur edhe konsensus.

Sipas raportuesve të Shqipërisë në PE, sfidat kryesore që vendi të mund të anëtarësohet në BE janë reforma në administratën publike, lufta kundër krimit e korrupsionit dhe dialogu politik mes palëve.

Ai shtoi se është me rëndësi për Shqipërinë implementimi i amandamenteve, me qëllim që të hapen negociatat.

Ndërkaq, Eduard Kukan tha se lufta kundër krimit e korrupsionit dhe zbatimi i ligjit janë ende sfida të hapura.

Kukan theksoi se Shqipëria ka mbetur pas në reformën e administratës publike dhe në reformën administrativo-territoriale, të cilat janë kontestuar./albeu.com/
Shtuar më 13/04/2015, ora 18:14

Shkruani komentin tuaj!
Të fundit nga kjo kategori