"Është rrahur deri sa ka dhënë shpirt", dëshmia tronditëse e prindërve të Marvi Mihalit
Sot në Gjykatën e Tiranës është zhvilluar seanca gjyqësore për vrasjen e të riut Marvi Mihali.

Kujtojmë se Mihali u vra nga disa persona pak muaj më parë për një sherr të lindur nga një karikues.

Në seancë kanë marrë pjesë si dëshmitarë edhe prindrit e të ndjerit, ku sipas tyre videoja që ata kanë i tregon te gjitha si dhe vrasesit e djalit të tyre.

“Kam parë me qindra dhe mijera here videon e vrasjes se djalit tim. Personi qe e qelloi eshte Dejvi Bitraj”. Kështu deklaroi sot nga salla e gjyqit babai i Marvi Mihalit, i riu që humbi jetën pas sherri për një karikues telefoni.

Fatmira Mihali, nëna e 22-vjeçarit, tha se besonte të drejtësia dhe se do luftonte deri në fund, ndërsa shtoi se nëse nuk ndodhte kjo gjë do të bënte vetëgjyqësi.

“Dua të sqaroj se nuk do të ketë kurrë gjyq për dëmshpërblim. Nuk ka vlerë që më zëvendëson djalin. Në ngjarje Marvi ka hyrë vetëm për të ndare dy vetë. Eugen Bitraj e tërhoqi nga pas dhe e rrëzoi. Ata ishin përgatitur për të vrarë. Do vrisnin këdo që do u dilte para. Kam besim tek drejtësia dhe sa të kem jetë do luftoj. Askush nuk mund të dalë i pa lagur nga kjo histori”, tha nëna. /albeu.com/
Shtuar më 03/12/2018, ora 14:18

Shkruani komentin tuaj!
Të fundit nga kjo kategori