Kallashnikovë, fishekë dhe benzinë gati për atentat, parandalohet ngjarje kriminale në Elbasan

Një atentat mafioz është parandaluar mëngjesin e sotëm në qytetin e Elbasanit.

Burime bëjnë me dije se forca të shumta policie kanë rrethuar një automjet tip Foristradë të parkuar pranë stadiumit ‘Elbasan Arena’.

Mësohet se në makinë janë gjetur  dy armë të llojit kallasnikov, dhjetëra fishekë, si dhe një shishe me lëndë djegëse benzine gati për atentat.

Sakaq nuk ka asnjë informacion se kush mund të ketë qenë shënjestra, e as personat që ishin bërë gati për atentat.

Gjithashtu mësohet se grupi hetimor ka sekuestruar disa kamera në zone për të zbardhur ngjarje.

Në zonën ku është gjetur automjeti është banesa e Erion Alibej, i arrestuar nga policia pasi akuzohet  si i përfshirë në vrasjen e Emiljano Ramazanit dhe Regis Runajt.

Alibej akuzohet për vrasjen e Emiljano Ramazanit dhe Regis Runajt, të ndodhur në korrik të 2020, me një diferenë prej 10 ditësh nga njëra-tjetra.

Erion Alibej është vëllai i Endrit Alibej (Dylgjeri), i cili ishte objektivi i një atentati me armë që përfundoi në masakër ditët e fundit të dhjetorit 2018.

Në rrethrrotullimin e Bradasheshit në Elbasan, atë natë, mbeti i vrarë edhe xhaxhai i tij, Arben Dylgjeri dhe shtetasi turk Erdal Durnay. Mbi automjetin luksoz “Range Rover-it”, u derdh një breshëri plumbash kallashnikovi.

Ngjarja dyshohej se ishte për larje hesapesh për shkak të prishjes së e pazareve të drogës në Angli apo Holandë.

Erion (Andrea) Alibej, së bashku me vëllain e tij, Endrit Alibej u arrestuan më 4 qershor 2013 nga autoritetet italiane në kuadër të operacionit të koduar “Cocash”.

Në kuadër të këtij operacioni u goditën në 2013, dy grupe shqiptarësh, i pari me 3 anëtarë që vepronin në Francë dhe pjesa tjetër që vepronte në Itali dhe drejtohej nga vëllezërit Alibej.

Dyshja nga Elbasani administronte një trafik të konsiderueshëm droge të tipit kokainë në territorin e provincës së Astit dhe furnizoheshin me lëndë narkotike nga shqiptari Sajmir Serjani, banues në Torino, i identifikuar si anëtar i një grupi trafikantësh shqiptarë me bazë në Holandë e me depozita kokaine në Torino, Alessandrino e në provincën e Milanos.

Gjatë arrestimit, vëllezërve Alibej u janë gjetur në dy banesat e tyre në Asti rreth 15 kg kokainë e fshehur, ndërsa në total gjatë operacionit me 15 të arrestuar u dokumentua si pjesë e trafikut 31 kg lëndë narkotike me vlerë mbi 10 milionë euro.

Në aktivitetin e tyre kriminal grupi i vëllezërve Alibej përdornin pseudonime si Tarzani, Tino, Ciçio, Bimbo, ndërsa në gjuhën e kriptuar kokaina identifikohej me fjalën “foto”.

/albeu.com/