Ekzekutoi 37 persona, zbulohet pas 50 vitesh mesazhi misterioz i vrasësit
Më shumë se 50 vite pasi i ashtuquajturi “Vrasësi i Zodiakut” terrorizoi për herë të parë rrugët e Kalifornisë, një ekip ka mundur të zbërthejë për herë të parë një nga mesazhet e tij misterioze, që vrasësi ia dërgoi “San Francisco Chronicle në vitin 1969.

I quajtur “shifra 340” mesazhi u deshifrua në fakt nga një grup amatorësh, nëpërmjet një programi kompjuterik që ata kishin krijuar. “Shpresoj se do të argëtoheni shumë duke u përpjekur të më kapni.

Unë nuk kam frikë nga dhomat e gazit sepse do të më dërgojnë në parajsë shumë shpejt”, thuhej në mesazhin e koduar të vrasësit.

“Tani kam mjaft skllevër për të punuar për mua, kur të tjerët nuk do të kenë asgjë kur të arrijnë në parajsë, kështu që ata kanë frikë nga vdekja. Unë nuk kam frikë nga vdekja sepse e di që jeta ime e re do të jetë e lehtë në parajsë”, vijon mesazhi.

Treshja i çoi gjetjet e tyre në FBI një javë më parë, por nuk zbuloi përparimin e tyre derisa të konfirmohej nga autoritetet, thanë ata.

Vrasësi i Zodiakut është më i njohur për të lënë gjurmët e pesë vrasjeve të pazbuluara midis 1968 dhe 1969 . Ai kurrë nuk u kap, por fitoi famë duke i shkruar letra policisë dhe medias lokale deri në 1974, ndonjëherë me kod, duke u mburrur me vrasjet.

Pjesë të përgjakshme të veshjeve ishin përfshirë me letrat si provë e veprimeve të tij. Ai pretendon se vrau deri në 37 persona.
Shtuar më 13/12/2020, ora 10:25

Shkruani komentin tuaj!
Të fundit nga kjo kategori