Edhe Tomislav Nikoliç përmend luftën
Presidenti serb, Tomislav Nikoliç është shprehur se, Serbia dëshiron të jetë pjesë e Bashkimit Europian, por nuk do ta njohë pavarësinë e Kosovës.

Deklarata e Nikoliç ka ardhur para një delegacioni të gazetarëve nga Gjermania, duke e hedhur topin te BE-ja, duke theksuar se "ky është qëndrimi ynë tërësisht në kundërshtim me BE-në, në rrugën për t’u bërë anëtare e saj", përcjell Indeksonline.

Nikoliq ka thënë se nësë insistohet në njohjen e pavarësisë e Kosovës nga Serbia si mënyrë e vetme për të hapur Kapitullin 35, ai është i bindur se kjo mund të çojë në luftë civile në Serbi.

Duke iu referuar fatit të Federatës Jugosllave dhe ish-presidentit serb Sllobodan Millosheviç, Nikoliç rikujtoi se qytetarët serbë ishin të lumtur me ndaljen e bombardimeve, por se kjo gjë u dënua pas zgjedhjeve, pasi sipas tij ai e kishte dorëzuar Kosovën.

"Kjo lidhje e serbëve me Kosovën është e fuqishme", ka thënë Nikoliç para gazetarëve gjermanë.

Në intervistën një-orëshe me gazetarët gjermanë, Nikoliq ka thënë se, "ne jemi shumë afër që me Evropën të hapim tërësisht kufijtë", dhe se nuk e kupton se përse dikush në Bruksel ka humbur durimin.

Nikoliç e ka ripërsëritur se Serbia nuk heq dorë nga ideja se Serbia është anëtare e BE-së, dhe se, derisa kjo gjë është e mundur, nuk do të heq dorë nga bisedimet me Prishtinën në Bruksel. /albeu.com/
Shtuar më 15/10/2015, ora 17:57

Shkruani komentin tuaj!
Të fundit nga kjo kategori