Një 25-vjeçare shqiptare që njihet në rrjete sociale si Ion Daci ka përgënjeshtruar artikullin e mediave britanike se reklamon pasaporta false në Tik Tok. Me anë të disa videove thekson se nuk merret me falsifikim pasaportash, nuk është kriminele dhe punon si trajnere apo mësuese fiskulture. Sipas medias britanike, pasaporta greke që 25-vjecarja mbante në dorë kishte të dhëna biometrike të prodhuara nga trafikantët që i shërben emigrantëve shqiptarë, të cilët mbërrijnë në Britani në mënyrë ilegale.
Ion Daci shpëtheu keq ndaj gazetares britanike dhe tha se ishte ndarë nga partneri, por mesa duket janë sërish bashkë.
Mbrëmjen e djeshme, teksa ndjekësit në Tik Tok e pyesnin nëse kishte krisje në marrëdhënie, Ion Daci, 25 vjeçe që është 9 muajshe shtatzënë tregoi se ishin pranë njëri-tjetrit. Më pas shfaqi të dashurin që tallej me shprehjen e një prej personazheve të Tik Tok, Kozak dhe thoshte: “A jam kriminel?”
Kështu ironizonte edhe artikullin e medias britanike që cilësonte partneren e tij si të përdorur nga bandat për të reklamuar pasaporta false në Tik Tok. Ndërsa blogerja shqiptare, e cila prej vitesh jeton në Britani, tregoi se ishte lodhur nga komentet negative dhe po e përjetonte shumë keq. Megjithatë e sqaron edhe një herë se video që publikoi kishte qëllim që të ndihmonte shqiptarët pasi nuk mund të marrin një shtëpi nëse nuk kanë letra dhe tregoi se ka shumë miq që përdorin dokumente të falsifikuara./shqiptarja.com
