E paguan për ti vënë zjarrin makinës së biznesmenit, arrestohet 24 vjeçari
Arrestohet autori i zjarrvënies ndaj automjetit tip “Range Rover” të biznesmenit Qirjako Gjini (Resul Mema).

Autor i zjarrvënies është shtetasi Ylli Kola, 24-vjeç, lindur në Tepelenë e banues ne Sarandë, me precedente të mëparshëm penale. Ai dyshohet se është paguar për djegien me benzinë e zjarr të fuoristradës.

Informacion paraprak:

Specialistët e Krimeve pranë Komisariatit të Policisë Sarandë, pas hetimeve të kryera në lidhje me djegien e automjetit Range Rover në lagjen nr.4, më datë 02.08.2019, kanë bërë të mundur identifikimin dhe kapjen e autorit të dyshuar, shtetasin Y. K., 25 vjeç, banues në fshatin Toç, Tepelenë.

25 vjeçari nga Tepelena dyshohet se për motive të dobëta, i ka vënë zjarrin me lëndë djegëse automjetit në pronësi të shtetasit Q.Gj. Materialet iu referuan Prokurorisë në ngarkim të tij për veprën penale “Shkatërrimi i pronës me zjarr”.
Shtuar më 04/08/2019, ora 11:46

Shkruani komentin tuaj!
Të fundit nga kjo kategori