Gruevski do të kthehet dhe do ta vuajë dënimin, porositi ministri i punëve të brendshme, Oliver Spasovski, në TV 24.

Duke komentuar punën e MPB-së dhe kritikat për arratisjen e ish kryeministrit Gruevski, Spasovski shkurt u përgjigj se ai do të kthehet në Maqedoninë e Veriut dhe do ta vuajë dënimin me burg.

Gazeta Lajm para ca kohe ka shkruar se Gruevski brenda një kohe të shkurtër do të kthehet në vend, kurse një gjë të tillë tani e paralajmëron edhe “kryepolici” Spasovski.

Ministria e drejtësisë në shtator paralajmëroi se do të dërgojë kërkesa të reja për ekstradim të autorëve të veprave penale, për të cilët ka rrethana ose padi të reja, kurse mes tyre një do të kërkohet në Hungari, për ekstradimin e ish kryeministrit Gruevski.