Zbardhet dëshmia e Bledar Toçit: Pse isha tek shtëpia e Marsida Qatjës, si ndodhi ngjarja
Është zbardhur dëshmia e policit Bledar Toçi, i cili qëlloi duke e vrarë në vend Dritan Hoxhollin në orët e para të ditës së djeshme brenda ambienteve të shtëpisë së Marsida Qatjas.

Siç raporton abcnews.al, Toçi ka deklaruar para oficerëve të policisë gjyqësore se Qatja e kishte telefonuar të mërkurën pasdite duke i thënë se Hoxholli po e kërcenonte.

"Më mori Marsida në telefon të mërkurën pasdite dhe më tha se Dritan Hoxholli e kërcenonte. Unë i thashë se do ta ndihmoja. Ai i thoshte se do t'i merrte fëmijen dy vjeç", është shprehur Toçi.

Ai shton gjithashtu se ka qëlluar për vetëmbrojtje dhe nuk ka patur qëllim për ta vrarë.

"Armën e shërbimit e kisha me vete pasi sapo kisha mbyllur turnin. Dy të tjerët që ishin në banesë janë shok të burrit të Marsidës", shprehet Toçi. /albeu.com/


Shtuar më 11/10/2019, ora 09:51

Shkruani komentin tuaj!
Të fundit nga kjo kategori