Shpërthim me lëndë plasëse në Durrës
Një shpërthim me lëndë plasëse ndaj një makine ka ndodhur në qendër të qytetit të Durrësit. Sipas burimeve, ngjarja ka ndodhur rreth orës 7 të mëngjesit dhe është dëgjuar nga banorët e lagjes në rrugën
“Ramazan Jella”, në qendër të qytetit.

Policia ka shkuar në vendngjarje dhe ka nisur hetimet. Mësohet se në mjetin tip Renault me targa AA 301ZZ ka vetëm dëme të lehta materiale, dhe nuk ka pasur dëme në bizneset përrreth.

Pronari i mjetit kur ka shkuar të marrë makinën ka parë dëmtimin e shkaktuar, dhe po vijojnë hetimet për ngjarjen.

Njoftimi: Më datë 20.07.2020, rreth orës 03:00, në lagjen nr.3, Durrës, është tentuar të dëmtohet me lëndë djegëse mjeti tip “Reno” në pronësi të shtetasit A.C., e për pasojë ka pasur dëme të vogla materiale në mjetet tip “Reno” dhe “Ford”.

Grupi hetimor dhe shërbimet e Policisë ndodhen në vendngjarje, dhe po punohet për zbardhjen e ngjarjes, identifikimin dhe kapjen e autorit.
Shtuar më 20/07/2020, ora 09:30

Shkruani komentin tuaj!
Të fundit nga kjo kategori