Me sistem mbrojtës, me sensorë dhe rezistent ndaj motit ekstrem, Rusia po konsideron dërgimin e tankeve T-14 Armata në Ukrainë

Ministria e Mbrojtjes e Mbretërisë së Bashkuar (MM) ka publikuar raportin e saj të fundit të inteligjencës mbi krizën në Ukrainë.

Raporti thekson se Rusia “ka të ngjarë të konsiderojë” vendosjen e një numri të vogël të tankeve të saj kryesore të betejës T-14 Armata, në Ukrainë.

 

Në dhjetor të vitit të kaluar, imazhet treguan tanket në një zonë stërvitore në Rusinë jugore, kjo pasoi mediat pro-qeveritare ruse që pretendonin se T-14 po përgatiteshin për vendosje.

“Nëse Rusia vendos T-14, ai ka të ngjarë të jetë kryesisht për qëllime propagandistike”, thuhet në njoftim.

Tanku T-14 është i pajisur me një sistem mbrojtjeje kundër dronëve, sensorë të avancuar dhe drone në bord.

Armatura e saj mbrojtëse siguron qëndrueshmëri të lartë dhe është në gjendje të përballojë temperaturat ekstreme./albeu.com


Shtuar 19.01.2023 08:13