Shoferët shqiptarë nuk vënë mend.
Policia rrugore ka arrestuar dhe proceduar 24 drejtues mjetësh gjatë javës, pasi janë kapur duke drejtuar mjetin në gjendje të dehur, pa leje drejtimi, duke shkelur rregullat e qarkullimit rrugor.
Gjithashtu gjatë javës që lamë pas janë vendosur 8750 masa administrative.
Njoftimi policisë
Policia Rrugore e Tiranës
Vijojnë kontrollet e shtuara në të gjitha akset rrugore, për evidentimin dhe ndëshkimin e shkelësve të rregullave të qarkullimit që janë rrezik potencial për përfshirje në ngjarje rrugore si dhe për rritjen e parametrave të sigurisë rrugore, në kryeqytet.
Janë arrestuar dhe proceduar 24 shtetas për drejtim automjeti, në gjendje të dehur, pa leje drejtimi, dhe për shkelje të rregullave të qarkullimit rrugor. Gjatë javës që lamë pas janë vendosur 8750 masa administrative.
Janë vendosur 120 masa administrative, për xhama të errësuar. Janë vendosur 278 masa administrative, për shpejtësi mbi normat e lejuara.
Janë ndëshkuar me masë administrative 702 drejtues mjetesh, për përdorim të celularit gjatë drejtimit të mjeteve.
Janë vendosur 596 masa administrative, për përdorim të aparatit celular gjatë drejtimit të mjetit.
222 drejtues mjetesh janë ndëshkuar për mosdhënie përparësie këmbësorëve, në vija të bardha.
2191 drejtues mjetesh janë ndëshkuar për mosvendosje të rripit të sigurimit.
Janë vendosur 210 masa administrative, për mosvendosje të kaskës mbrojtëse, nga drejtuesit e motomjeteve. Janë vendosur 252 masa administrative, për parakalime të gabuara. Janë bllokuar 19 automjete./albeu.com./
