E FUNDIT/ Marku shkarkon nga detyra prokuroren e dekriminalizimit
Prokurorja Arta Maku ka bërë me dije se ka shkarkuar nga puna Rovena Gashin, drejtore e njësisë së dekriminalizimit dhe zyrën e marrëdhënieve me Jashtë në Prokurorinë e Përgjithshme.

Rovena Gashi firmosi së fundmi kërkesën dërguar KQZ-së për heqjen e mandatit të Aqif Rakipit dhe Gledion Rahovicës pasi nuk kishin deklaruar arrestimet në Itali disa vjet më parë.

Kryeprokurorja Marku ka emëruar Arqile Koçën, një prej kandidatëve për Prokuror të Përkohshëm të Përgjithshëm.

NJOFTIMI i PROKURORISE

Prokurori i Përgjithshëm, znj. Arta Marku nënshkroi ndryshimin e parë në stafin drejtues të institucionit.

Duke filluar nga dita e sotme (e Premte, dt. 29.12.2017), prokurori i Prokurorisë së Përgjithshme, Arqile Koça, emërohet Drejtor i Drejtorisë së Marrëdhënieve Juridiksionale me Jashtë, në përbërje të të cilës është edhe Sektori për “Verifikimin e integritetit të zyrtarëve…”.

Prokurorja Rovena Gashi, e cila ishte në drejtim të kësaj Drejtorie, caktohet prokurore pranë Sektorit të Dekriminalizimit në Prokurorinë e Përgjithshme. /albeu.com/
Shtuar më 29/12/2017, ora 11:54
Shkruani komentin tuaj!
Të fundit nga kjo kategori