Flamur Duçi, 45 vjeç humbi jetën ditën e sotme pasi u qëllua me mjete prerëse pranë biznesit të tij.

Të afërmit kanë dhënë dëshmitë e tyre për ngjarjen e rëndë.

Flamur Duçi u gjet i vrarë pranë godinës së biznesit të tij. Ndërkohë të afërmit janë shprehur për mediet se 45-vjeçari ishte i divorcuar nga bashkëshortja.

Më herët Duçi kishte jetuar në Francë bashkë me gruan, ndërsa pas kësaj ata janë ndarë dhe 45-vjeçari është kthyer.

Po ashtu të afërmit kanë rrëfyer se autorët e kishin çarë me mjete prerëse, ndërsa i kanë djegur edhe kokën.

Dyshohet se 45 vjeçarit i është bërë pritë, teksa ky i fundit po shkonte për të hapur biznesin e tij.

Ende nuk dihen motivet e kësaj ngjarje, ndërsa një pistë është ajo e konfliktit me njerëzit e ish-gruas së tij.