Gjatë gjumit, në trupin tonë ndodhin gjëra të ndryshme për të cilat shpesh nuk i dimë dhe disa prej tyre nuk mund t’i kontrollojmë.
Gjatë kësaj periudhe gjumi kalojmë në një fazë tjetër, relaksohemi dhe të gjitha funksionet rifillojnë sapo zgjohemi.
Shikoni tri gjëra që na ndodhin kur flemë…
1. Sytë lëvizin shumë shpejt
Të gjitha fazat e gjumit i shërbejnë një qëllimi specifik, për të mbajtur trupin dhe trurin tuaj të shëndetshëm dhe të relaksuar. Ka pesë faza të gjumit, secila më e thellë se e fundit, dhe kur kalojmë në të pesë fazat, cikli fillon përsëri. E fundit (REM) është më aktive dhe fillon rreth 60 ose 90 minuta pasi të bie në gjumë. Në këtë fazë sytë lëvizin me shpejtësi të plotë përpara dhe mbrapa pa e ditur ne.
2. Gryka “mbyllet”
Kur flemë, muskujt që mbajnë qafën të hapur relaksohen dhe madhësia e qafës tuaj zvogëlohet disi. Ky është edhe një nga shkaqet e gërhitjes. Sigurisht, edhe pse ka faktorë të tjerë që kontribuojnë në këtë (si p.sh. pengimi i hundës), shtrëngimi i qafës ka të bëjë shumë me zhurmat e bezdisshme që disa njerëz bëjnë kur flenë.
3. Truri lëshon informacionin e grumbulluar dhe harton histori
Mënyra se si formohen ëndrrat mbetet një mister shkencor. Ne e dimë se truri ynë ndërton ëndrrat nga kujtimet që ekzistojnë në jetën tonë të përditshme dhe në nënndërgjegjen tonë të thellë. Kështu, përvojat e fundit kombinohen me informacionin që kemi ruajtur prej vitesh: kujtime, trauma, emocione, për të krijuar mistere dhe ndonjëherë ëndrra absurde.
