Avokati i priftit evangjelisht Andrew Brunson të arrestuar dy vite më parë në Turqi ka apeluar vendimin e gjykatës duke kërkuar lirimin e tij.

Veprimi i avokatit të priftit, i cili në dukje është bërë shkaku i përplasjes së madhe SHBA-Turqi, shihet si nisja e procesit të lirimit të tij dhe dërgimit përtej Atlantikut, ashtu siç kishte kërkuar administrata Trump.

Këta të fundit e kishin cilësuar arrestimin e tij si një pengmarrje të një shtetasi amerikan nga njerëzit e Erdoganit në Turqi me synimin për të ulur gjobën e majme që pritet t'i vendoset nga thesari amerikan bankës turke HalkBank pasi kishte thyer embargon ndaj Iranit.

Kështu, sipas amerikanëve, Erdogan arrestoi me akuza të rreme një shtetas amerikan duke dashur të bëjë një shkëmbim pengjesh.

Nisur ngasituata e krijuar, Trump i vuri ultimatum Erdoganit që të lironin priftin deri ditën e nesërme (e mërkurë) dhe duket se gjërat po ndodhin ashtu siç kërkuan amerikanët nisur edhe nga fakti se kjo përplasje u shoqërua me krizë të fortë financiare në Turqi.

Pritet që gjykata të lirojë priftin Brunson dhe nisjen e tij për në SHBA. /albeu.com/