"Dole huq!", zbardhen mesazhet e dy vëllezërve të përfshirë në atentatin e biznesmenit Dhima
Gjykata ka lënë në burg Gridi Lenon, Mariglen Matohitin, Enea Hoxhën dhe Altin Hoxhën, pasi akuzohen se kanë tentuar që të vrasin biznesmenin Andon Dhima.

Mësohet se gjatë marrjes në pyetje të akuzuarit nuk e kanë pranuar akuzën.

Ndërkohë gjatë seancës Prokuroria ka relatuar në seancë edhe një SMS mes dy vëllezërve Hoxha, ku ndër to thuhet “Dole huq”.

Mëgjithatë nuk është specifikuar se për çfarë është shkruar SMS, e cila është shkëmbyer nëpërmjet Ëhats’app.

Pak ditë më parë policia vuri në pranga 4 persona, dy prej tyre ata që kanë ndjekur biznesmenin Dhima në hyrje të pallatit, dhe 2 të tjerë bashkëpunëtorë të tyre, të cilët janë me prëcedentë të mëparshëm pënalë.

Gridi Lena, ka qenë i dënuar më parë me 6 vite burgim, për vjëdhje me armë në Gjermani, dhe Altin Hoxha 35 vjeç, banues në Tiranë, i dënuar më parë për plagosje me armë.

Po në kuadër të operacionit u bë e mundur të identifikohen dhe të ndalohen dhe dy bashkëpunëtorët në këtë ngjarje, shtetasit: Mariglen Metohiti, 30 vjeç dhe Enea Hoxha, 26 vjeç, i dënuar më parë me 4 vite e 9 muaj, për “Prodhimi dhe shitja e lëndëve narkotike”.

Bashkëshortja Gridi Lenos dhe motra e Mariglen Matohitit, Gerta Matohiti në një prononcim për mediat ka mohuar akuzat se dy të afërmit e saj kanë lidhje me atentatin ndaj biznesmenit Andon Dhima.

Ajo ka përsëritur se vëllai ishte në punë kamarier në lokalin e saj, ndërkohë që bashkëshorti ka qenë i pranishëm në një festë.

Gerta Matohiti tha se në momentin kur efektivët e policisë kanë shkuar që ta arrestojnë burrin i kanë marrë vajzën nga duart dhe i kanë thënë se kam 4 ditë pa gjumë për shkakun tënd.

Më tej Matohiti tha se nuk e njeh fare biznesmenin Dhima dhe madje ka kërkuar që ta takojë nëse ai do, duke shtuar që të vijojë të ndihet i kërcënuar pasi autorët ndaj atetatit të tij nuk janë ato që janë pas hekurave. (Referuar vëllait të saj dhe burrit).
Shtuar më 23/10/2020, ora 14:57

Shkruani komentin tuaj!
Të fundit nga kjo kategori