Deputetja e PD Mesila Dode, e cila shquhet për shpirtin luftarak ka përcjellë një tjetër reagim në rrjetin social Facebook, kundër shembjes së Obeliskut. Deputetja demokrate Mesila Doda ka apeluar për të vepruar kundër asaj që e konsideron si instalim të hakmarrjes dhe diktatit të krimit.

Kjo revoltë vjen pas shembjes së Obeliskut të Demokracisë në Kavajë nga Inspektoriati Ndërtimor Urbanistik Kombëtar (INUK).

Monumenti simbol i “dy gishtave” i është kushtuar lëvizjes së parë demokratike në Shqipëri, që u zhvillua më 25 mars 1990 në Kavajë.

"Po i dukemi se nuk egzistojmë? Kaq poshtë kemi rënë që bëjmë sehir tek shkulin në qytetin simbol të demokracisë, monumentin simbol të fitores së një kohe të re antidiktature dhe s'kemi asnjë fuqi që të reagojmë?

Ne sot po behemi dëshmitarë të instalimit të hakmarrjes dhe diktatit të krimit. Nëse nuk veprojmë, jemi fajtor për lëshimin dhe frikën...jemi bashkëfajtor për fundin e demokracisë në vend", thekson ajo. /albeu.com/