Dita e fundit si kryeministër? Flet Albin Kurti
Ndonëse sot mund të jetë dita e fundit e tij si kryeministër, Albin Kurti thotë se po ndjehet shumë mirë.

Në një prononcim të shkurtër për Klan Kosovën, teksa po dilte nga banesa e tij, Kurti tha se po shkon në mbledhjen e qeverisë ku do të merren disa vendime të rëndësishme.

“Shumë mirë. Në ora 10:00 kemi një mbledhje të qeverisë ku do të marrim disa vendime të rëndësishme. Vendimi i parë që do ta nënshkruaj tash menjëherë është ai për ndihmën nga 30,000 euro dy familjeve të minatorëve që humbën jetën fatkeqësisht në Minierën e Artanës”.

Kurti nuk ka treguar nëse pret që Kosova të ketë qeveri të re sot, ndërsa ka vazhduar drejt ndërtesës së Qeverisë për mbledhjen – që mund të jetë e fundit – e drejtuar nga ai.
Shtuar më 03/06/2020, ora 09:23

Shkruani komentin tuaj!
Të fundit nga kjo kategori