Dikur kryesonte pronat me vlerë 100 milion dollarë, sa u shit "Neverland" e Michael Jackson
Ferma “Neverland” e yllit të ndjerë të pop-it, Michael Jackson thuhet se i është shitur miliarderit Ron Burkle, një ish miku të Jackson.Ai pagoi 22 milionë dollarë për Neverland-in, njoftoi Wall Street Journal.

Prona prej 1,100 hektarë ishte renditur e para në listën e pronave në vlerë prej 100 milionë dollarë në vitin 2015.

Neverland, e cila gjendet në veri të qytetit Santa Barbara, vitin e kaluar është listuar me çmimin më të ulët prej 31 milionë dollarë, raporton BBC.

Jackson fillimisht pagoi rreth 19.5 milionë dollarë për Neverland, të cilin ai e quajti me emrin e një ishulli imagjinar ku fëmijët nuk rriten kurrë në historinë e Peter Pan të JM Barrie.

Këngëtari i hitit “Thriller” e bleu Neverland-in në 1987, duke e bërë atë shtëpinë e tij gjatë kulmit të famës së tij.Ai e shndërroi fermën në një kompleks argëtimi, duke ndërtuar një kopsht zoologjik dhe një shesh panairi, ku argëtoheshin rregullisht fëmijët dhe familjet e tyre.

Në vitet 1990 dhe 2000, Neverland u bë qendra e hetimeve të ndryshme në akuzat kundër Jackson për sulme seksuale ndaj fëmijëve.Jackson mohoi akuzat e prokurorëve të Santa Barbara se ai kishte përdorur Neverland-in si një botë fantazie për djem të rinj.

Në vitin 2005, Jackson u gjykua dhe u lirua nga akuzat se ai abuzoi një djalë 13-vjeçar në fermë.Jackson nuk u kthye më në Neverland. Katër vjet më vonë, në qershor 2009, Jackson vdiq në një shtëpi tjetër në Los Angeles pasi pësoi një arrest kardiak të shkaktuar nga një mbidozë e drogës.

Që nga vdekja e tij, Jackson ka qenë subjekt i akuzave të abuzimit të mëtejshëm, përfshirë ato të bëra në një dokumentar të quajtur “Leaving Neverland” në vitin 2019.“Neverland” është ribrenduar si “Sycamore Valley Ranch” dhe i është nënshtruar një rizhvillimi të gjerë që nga vdekja e Jackson.

Biznesmeni që e bleu pronën e Michael Jackson, e dalloi pasurinë nga lart ndërsa shikonte në një vend tjetër dhe kontaktoi Tom Barrack, themeluesin e kompanisë së investimeve në pasuri të paluajtshme “Colony Capital LLC”, për të vulosur shitjen.

Ron Burkle, 68 vjeçar, është bashkëthemelues dhe partner menaxhues i “Yucaipa Companies LLC”, një firmë private investimesh. Pasuria e tij neto që nga 24 dhjetori 2020 u vlerësua të ishte 1.4 miliard dollarë, sipas një profili nga revista amerikane e biznesit “Forbes”.
Shtuar më 25/12/2020, ora 10:46

Shkruani komentin tuaj!
Të fundit nga kjo kategori