Dhuroi "show" duke goditur në ajër me kallashnikov, arrestohet 23-vjeçari në Pukë
Një 23 vjeçar ka qëlluar në ajër me kallashnikov nuk trembur banorët e zonës, të cilët mënjëherë kanë thirrur policinë.

Policia ka bërë të mundur arrestimin e B. Gj. 23 vjeç, banues në fshatin Gojan i Madh, Pukë.

Njoftimi i policisë:

Qëlloi me armë zjarri në ajër duke krijuar panik tek banorët, identifikohet dhe arrestohet nga Policia 23-vjeçari">23-vjeçari.

Sekuestrohet në cilësinë e provës materiale arma e zjarrit kallashnikov.

Shërbimet e Komisariatit të Policisë Pukë, pas telefonatës së marrë për të shtëna me armë zjarri fshatin Gojan i Madh, kanë shkuar menjëherë në adresën e dhënë dhe pas marrjes së informacionit për situatën e ndodhur, kanë organizuar punën për identifikimin dhe kapjen e autorit.

Falë veprimeve të shpejta, informacioneve të marra në rrugë operative dhe si rezultat i një punë të mirorganizuar dhe reagimit të shpejtë, u bë i mundur identifikimi, lokalizimi dhe arrestimi në flagrancë i shtetasit B. Gj. 23 vjeç, banues në fshatin Gojan i Madh, Pukë.

Ky shtetas kishte qëlluar disa herë në ajër, me një armë zjarri kallashnikov, duke krijuar panik te banorët e zonës.

Shërbimet e Komisariatit të Policisë Pukë kanë bërë të mundur gjetjen dhe sekuestrimin e armës së zjarrit me të cilën 23-vjeçari">23-vjeçari kishte kryer qitje në ajër.

Materialet iu referuan Prokurorisë së Rrethit Gjyqësor Pukë, për veprën penale “Mbajtja pa leje e armëve dhe municionit”.
Shtuar më 24/05/2020, ora 11:18

Shkruani komentin tuaj!
Të fundit nga kjo kategori