KQZ ka gjobitur 1500 lekë Arben Qalliun drejtor i Kadastrës Lushnje pasi i dha leje legalizimi deputetit të PS-së Arben Çela për ti shperndarë në banorët e zonës së tij elektrorale.

Ky veprim sipas KQZ është në kundërshtim të vendimit i cili ndalon përdorimin e aseteve dhe funksioneve shtetërore për fushatë elektorale.

Në seancën e zhvilluar 3 ditë më parë, Qalliu, gjatë fjalës së tij është munduar të justifikojë deputetin socialist Arben Çela sa i përket ndarjes së lejeve të legalizimit.

Gjatë shpjegimit të tij ai ka treguar se lejet e legalizimit të shpërndara në dhjetor janë të prodhuara në nëntor dhe jo në periudhën kur KQZ nuk e lejon.

“Ka marrë lejën në muajin nëntor 130 leje, mund të jenë shpërndarë jo më shumë se 40% e këtyre” thotë, u shpreh Qalliu

Madje shefi i kadastres së Lushnjes, nuk jep një shpjegim të qartë se pse çertifikatat e pronësisë janë shpërndarë nga depueti socialist, por e le të nënkuptojë se Çela mund të ketë qënë rastësisht në atë zonë.

Ndërkohë PD ka çuar në SPAK kryeministrin Rama, ministrat dhe deputetë të PS për shpërdorim detyrë dhe përdorimin e funksionit publik në interes të fushatës elektorale të PS.