Deklarata "bombë" e Erdoganit: Evropa fashiste e mizore, s'na kërcënon dot se…
Presidenti i Turqisë, Recep Tayyip Erdogan e ka përshkruar Evropën si "fashiste dhe mizore" dhe tha se ajo i ngjan periudhës së para Luftës së Dytë Botërore, pas ndalimit të disa mitingjeve të turqve në disa prej vendeve evropiane dhe se vota "Po" në referendumin e 16 prillit, është përgjigja më e mirë ndaj Evropës.

"Kjo Evropë, si e para Luftës së Dytë Botërore, është raciste, fashiste dhe mizore.. një Evropë anti-islam dhe anti-Turqi", tha Erdogan sot në një tubim të mbajtur në Ankara.

Marrëdhëniet në mes të Turqisë dhe Evropës janë tensionuar, pasi Holanda dhe Gjermania anuluan disa tubime të ministrave turq, të cilët dëshironin të merrnin mbështetjen e diasporës turke për referendumin.

Kjo bëri që Erdogan ta akuzojë Berlinin për "praktika naziste", dhe Holandën për "fashizëm".

Kjo krizë diplomatike po vë në pikëpyetje përpjekjet disa vjeçare të Ankarasë që t'i bashkohet BE-së, por Erdogan ka thënë se nuk tensionimi i raporteve nuk do të përdoret kundër procesit të anëtarësimit të Turqisë në BE. /albeu.com/

Shtuar më 21/03/2017, ora 14:23
Shkruani komentin tuaj!
Të fundit nga kjo kategori