“Çunat e Londrës” inagurojnë aeroportin e Kukësit, por ndalojnë në Rinas: Si nxitoi Rama para zgjedhjeve?

Aeroporti i Stanstead në Londër ka konfirmuar zyrtarisht se fluturimi sot në orën 8:00 do të jetë Londër-Tiranë dhe jo Londër-Kukës.

Sipas gazetarit Arben Manaj, pas uljes në Tiranë, ku pritet të hipë dhe kryeministri Edi Rama, avioni do të udhëtojë drejt Kukësit. Arsyeja thotë ai, mund të jetë për rregullat evropiane të fluturimit dhe sepse aeroporti i ri nuk është 100 i gatshëm për fluturime ndërkombëtare.

“Aeroporti i Stanstead në Londër konfirmoi zyrtarisht përmes zëdhënësit të saj të Qendrës së Medias për TCH në Londër se fluturimi i Air Albania ditën e diel në orën 08:00 të mëngjesit do të jetë Londër-Tiranë dhe jo Londër-Kukës, për të sjellë kuksianët që e kanë sharë Ramën në mediat sociale, siç thotë Kryeministri!

Pas uljes në Tiranë, ku me siguri do hipë edhe kryeministri Rama, avioni do bëjë fluturimin Tiranë-Kukës! Fakti që nuk fluturon direkt Londër-Kukës ndoshta ka të bëjë me rregullat evropiane të fluturimit për shkak të aeroportit të ri, i cili nuk është 100% i gatshëm momentalisht për fluturime ndërkombëtare”, shkruan gazetari Manaj.


Shtuar 18.04.2021 09:35