Boboshticë, dhunuan varret shqiptare, digjen kurorat e "Omonia"
Nuk ka kaluar shumë kohë nga homazhet që u bënë në Memorialin e ushtarit grek në Boboshticë me rastin e Festës së Çlirimit të Greqisë, kur mësohet se zjarri përfshiu kurorat e vendosura aty.

Shtypi i Tiranës bën të ditur se kurorat e vendosura sot nga OMONIA, Konsullata greke dhe dhjetëra vizitorë që mbërritëm me autobusë nga Greqia, janë djegur nga persona ende të panjohur.

Mësohet se policia ka nisur hetimet rreth rastit ndërkohë ende nuk ka një hetim në lidhje me dhunimin e varreve shqiptare.

Ndërkohë më herët, gjatë paradites së sotme u përkujtua Festa e Çlirimit të Greqisë, pikërisht në varret 200 vjeçare të Boboshticës. Homazhet zhvillohen pak ditë pas debateve për ceshtjen e zhvarrimeve në varrezat e Boboshticës për ngritjen e Memorialit për nderimin e ushtarëve grekë të vrarë në këtë zonë.

Me një cermoni fetare në nderim te ushtareve grekë të rënë në luftën italo-greke në vitin 1940, Konsullata greke në Korçë, OMONIA dhe qindra vizitorë kanë zhvilluar homazhe dhe kanë vendosur kurora e buqeta me lule, pranë Memorialit, i ndërtuar në kujtim të një ushtari grek. Me këtë rast u mbajt një meshë në manastirin e Shën Mërise, brenda territorit të së cilës ndodhet edhe kjo varrezë. (albeu.com)
Shtuar më 31/10/2010, ora 19:18

Shkruani komentin tuaj!
Të fundit nga kjo kategori