Bie besueshmëria e SHBA-së
Shtetet e Bashkuara të Amerikës për herë të parë kanë humbur besueshmërinë. Agjensia e ratingut Standard & Poor e ka klasifikuar SHBA-në në nivelin AA+ ndryshe siç ka qenë gjithmonë në nivelin 3 A.

Agjensia vendosi të ulë shkallën e besueshmërisë për kredimarrje të Amerikës, me arsyetimin se masat e ndërmarra nga Kongresi Amerikan në lidhje me deficitin gjigant shtetëror, nuk janë të mjaftueshme për stabilizimin e gjendjes ekonomike.

“Ulja e klasifikimit pasqyron pikëpamjen e tone se efektiviteti, stabiliteti dhe parashikueshmëria e hartimit të politikave dhe institucionet politike amerikane janë dobësuar në një kohë sfidash fiskale dhe ekonomike", thuhet në komunikatën e Standard & Poor”.

Ekspertët thonë së , vendimi i Standard & Poor's, me shume sesa praktik, mund të ketë një efekt psikologjik.

Riklasifikimi i S&P erdhi pas orëve të tëra mosmarrëveshjesh me departamentin e thesarit. Draft-vendimi i agjensisë ra në dorën e sekretarit te thesarit Timothy Geithner që të premten në orën 13:30, me orën lokale.
Geithner akuzoi se agjencia kishte gabuar në llogaritje me 2.000 miliardë dollarë.

Presidenti Obama dhe Kongresi amerikan arritën një marrëveshje para skadimit të afatit të martën për ngritjen e tavanit të borxhit prej 14.3 trilionë dollarësh, duke shmangur mospagimin e detyrimeve financiare të qeverisë.
Marrëveshja parashikon uljen e deficitit me më shumë se dy trilionë dollarë gjatë 10 vjetëve të ardhshme. /albeu.com/
Shtuar më 06/08/2011, ora 12:25
Shkruani komentin tuaj!
Të fundit nga kjo kategori