Kryedemokrati Lulzim Basha është shprehur së fundmi se kryeministri Edi Rama ka humbur kontrollin e situatës përsa i përket pandemisë.

Basha shkruan në rrjetet sociale se numri i të sëmurëve nga Covid-19 po rritet përditë, fatalitetet po shtohen dhe kapacitetet shëndetësore po shkojnë drejt kolapsit.

Më tej Basha nënvizon faktin se nëse Rama do i kishte dëgjuar, qeveria do kishte marrë masat e duhura.

“Numri i të sëmurëve nga Covid-19 po rritet përditë, fatalitetet po shtohen dhe kapacitetet shëndetësore po shkojnë drejt kolapsit. Rama ka humbur kontrollin mbi pandeminë, megjithëse vala e dytë ishte paralajmëruar. Po të na kishte dëgjuar, qeveria do kishte marrë masat e duhura.”- shkruan Basha.