E FUNDIT/ Basha i kërkon Ramës ndryshimin e ligjit për Vettingun
Me anë të një deklarate për mediat, kreu i Partisë Demokratike, Lulzim Basha, ka shënjestruar kryeministrin Rama, ku sipas tij, ai nuk do zgjidhje për Vettingun dhe se të gjithë e ka pretekst.

Në prononcimin për mediat, Basha citoi se muri i drogës e mban të izoluar Shqipërinë dhe se nuk ka paqe e përparim me kriminele në politikë, raporton Portali "Albeu".

Duke qëndruar në të njëjtën linjë, Basha i ka bërë thirje Ramës të amendojnë ligjin.

"Muri që mban të izoluar Shqipërinë është muri i drogës dhe korrupsionit shqiptar. Janë mungesa e zgjedhjeve të lira dhe të ndershme.

Kjo i është bërë e qartë Edi Ramës nga çdo politikan që ka takuar. Më është bërë e qartë edhe mua si kryetari i opozitës.

Ndaj në emër të opozitës kam një thirrje për Edi Ramën: Mjaft më me sulmet e turpshme prej Don Kishoti, mjaft më duke shpallur armik opozitën dhe shumicën e popullit tënd, nuk do ketë kurrë paqe dhe përparim me drogë e krim.

Nuk do ketë paqe as për ty nëse do fshehësh drogën dhe krimin”, u shpreh ai.

Lidhur me ligjin e Vettingut, Lulzim Basha sfidoi kryeministrin për të zbatuar me konsensus këtë ligj vetëm sipas Kushtetutës.

Në një rast të tillë, tha Basha, Edi Rama të shkarkojë menjëherë nga detyra kryebashkiakun e Kavajës, Elvis Rroshi, i cili është dënuar nga drejtësia italiane.

“Sa për Vettingun, i them Edi Ramës jam gati ta bëjmë që tani sipas Kushtetutës. Kushtetuta thotë ta bëjë Kuvendi, Edi Rama do ta bëjë ai.

Edi Rama nuk e do Vettingun. Zgjidhja mund të bëhet që tani duke respektuar Kushtetutën. Le të shkarkojë që sot Elvis Roshin i dënuar për përdhunim dhe trafik droge nga autoritetet italiane”, deklaroi Basha. /albeu.com/



Shtuar më 29/11/2016, ora 14:13

Shkruani komentin tuaj!
Të fundit nga kjo kategori