Basha i vendosur për trazira: Protesta do të plasë në të gjithë Shqipërinë!
Kreu i PD Lulzim Basha ka theksuar edhe njëherë se aksioni për mosbindjen civile do shtrihet në gjithë Shqipërinë sipas tij, dhe do të nisë javën tjetër.

“Do vazhdojmë të jemi në krahun tuaj, s’kemi asnjë mision tjetër me te rendesishem. Në këtë kaudër edhe javën e ardhshme ne në bashkërendim me sipërmarrjen e vogël, me fermerët dhe në solidaritet total me kuksianët që refuzojnë padrejtësinë dhe grabitjen, do mbështesim të gjitha aktet e mosbindjes qytetare dhe protestës që do të shtrihet në mbarë Shqipërinë”, tha Basha.

Duke komentuar protestën e sotme, kreu i demokratëve tha se ky akt “i ka bashkuar shqiptarët në një qëndresë qytetare, mosbindje qytetare kundër padrejtësisë dhe kundër grabitjes”.

“Dua t’i bëj një apel mediave të mos bien në grackën e edi Ramës dhe mos përdorin fjalën tërheqje. Rama ka pranuar sot fajin, sa kohë mban në burg 11 të pafajshëm nuk është tërhequr. I bashkohemi kërkesës së qytetarëve për lirimin e 11 pengjeve të fajit të Edi Ramës.

Edhe pse ka pranuar fajjin refuzon të përballet me pasojat dhe përgjegjësinë. Duhet të anulojë taksën. Rama do japë përgjegjësi ligjërisht dhe penalisht për urdhrat me të cilat ka rrëmbyer e terrorizuar qytetarët në mes të natës nga shtëpitë e tyre”. /albeu.com/
Shtuar më 05/04/2018, ora 19:38

Shkruani komentin tuaj!
Të fundit nga kjo kategori